“වෙනස් වන ලොවක සවිමත් වැඩිහිටියෙක්”
“மாறிவரும் உலகில் மீள்உய்க்கை மிக்க மூத்த பிரஜைகள்”
“RESILIENCE OF OLDER PERSONS IN A CHANGING WORLD”

ජාත්‍යන්තර වැඩිහිටි දිනය සැමරීමට සමගාමීව ශ්‍රී ලාංකික වැඩිහිටි ප්‍රජාවගේ සුබසාධනය උදෙසා සෞඛ්‍ය රක්ෂණාවරණ වැඩසටහනක් “වැඩිහිටි සුවසරණ” නමින් වැඩිහිටි ප්‍රජාව වෙත නිල වශයෙන් හඳුන්වා දෙන ලදි. රක්ෂණ යෝජනා ක්‍රමය හඳුන්වා දීමේ වැඩසටහන 2022 ඔක්තෝබර් 01 දින ප.ව. 1.00 ට සෙත්සිරිපාය, කාන්තා හා ළමාකටයුතු අමාත්‍යාංශයේ (4 වන මහල) ශ්‍රවණාගාරයේදී ගරු රාජ්‍ය අමාත්‍යතුමාගේ, අමාත්‍යාංශ ලේකම්තුමාගේ හා වැඩිහිටි තැනැත්න් සඳහා වන ජාතික සභා සාමාජිකයන්ගේ ප්‍රධානත්වයෙන් ද, මේ සඳහා වැඩිහිටියන් හා බස්නාහිර පළාත් වැඩිහිටි බලමණ්ඩලය හා කොළඹ දිස්ත්‍රික් වැඩිහිටි බලමණ්ඩලය නියෝජනය කරමින් එම වැඩිහිටි බලමණ්ඩල වල ගරු සභාපති වරුන්, ලේකම්වරුන් හා භාණ්ඩාගාරිකවරුන් සහභාගි විය. ජාත්‍යන්තර වැඩිහිටි දිනයට සමඟාමිව 2022.10.01 දින ප.ව. 4.00 සිට ප.ව. 5.00 දක්වා මාදිවෙල ඊයම්පෝරුව විහාරස්ථානයේදී ගරු රාජ්‍ය අමාත්‍යතුමාගේ, අමාත්‍යාංශ ලේකම්තුමාගේ හා වැඩිහිටි තැනැත්තන් සඳහා වන ජාතික සභා සාමාජිකයන්ගේ ප්‍රධානත්වයෙන් ද, කොළඹ දිස්ත්‍රික් ලේකම් හා මහරගම ප්‍රාදේශීය ලේකම්ගේ සහභාගගිත්වයෙන් ද, වැඩිහිටි ප්‍රජාව 200 පමණ පිරිසකගේ ද, ආරාධිත අමුත්තන් හා නිලධාරීන් ඇතුළුව සමස්ත පිරිස 300 දෙනෙකුගේ සහභාගීත්වයෙන් මෙම පිංකම පැවැත්වීය.